Arulmigu Azhageswari Jayantheeswarar Temple, Thazhakkudi - 629901

சிற்பம்

கருவறை மூலவரை அடுத்து இருக்கும் நடராஜரின் படிமம் ஒரே கல்லில் செய்யப்பட்டது. திருவாச்சி பீடம் கல்லால் அமைந்தவை. மணிமண்டபங்களில் கோவிலின் கைங்கர்யம் செய்பவரின் புடைப்பு சிற்பம் உள்ளது. அர்த்த மண்டபம், சண்டேஸ்வரர் கோவில் உட்பிரகாரம் ஆகிய இடங்களில் சடையுடைய முனிவர் இரண்டு பக்கங்களிலும் சீடர்கள் என அமைந்த சிற்பம் உள்ளது. இது இக்கோவிலின் இடங்களில் ஒரே மாதிரி உள்ளது. இந்த முனிவர் இவ்வூருடனோ கோவிலுடனோ கோவிலை அமைத்த அரசுடனோ தொடர்புடையவராய் இருக்கலாம். மகா மண்டபத்தில் உள்ள தூண்களில் பெண் சிற்பங்கள் அவர்களின் ஆடை அணிகலன்கள் கொண்ட அமைப்பு ஆம் நூற்றாண்டு பண்பாட்டை பறை சாற்றுவன. சுவாமி கோவிலிருந்து அம்மன் கோவிலுக்குச் செல்லும் மண்டபத்தில் தேரும்,அதில் அழகம்மன் இருக்கும் காட்சி சிற்பம் உள்ளது. இத்தேரின் சக்கரத்தின் அடியில் ஒரு குழந்தை அருகே ஒரு பூசாரி,இது இவ்வூர் தொடர்பான தெய்வ சோதனையாக இருக்கலாம். இக்கோவிலில் இரண்டு தேர்கள் சுவாமி தேர்,அம்மன் தேர். அம்மன் தேர் அழிந்துவிட்டது. இப்பொது ஒரு தேர் மட்டுமே உள்ளது. நமசிவாய மண்டபத்தில் காகம்,சிவனை வழிபடும் சிற்பம் உள்ளது. இது தல வரலாறு தொடர்புடையது. சிவனை யானை வழிபடும் சிற்பமும்,ஐராவதம் சிவனை வழிபட்ட வரலாறு தொடர்பானது. கருவறை விமானத்தின் தெற்கே கோவிலின் கட்டுமான அளவுகோல் உள்ளது.